لسه متفرج دلوقتي على فيلم " Her " بتاع يواكيم فينكس و سكارليت جوهانسن
ابداع ملوش مثيل بجد , صوت سكارليت لوحده حرك جوايا مشاعر كتييير قوي
حبي ليكي النهاردة رغم كل الحاجات اللي مزعلاني منك ... بس حسيت بجد اني بحبك
مش عارف ليه و ازاي بس بحبك ... عارف انك جرحتيني ... بس دايما بلاقيلك عذر
احساسي بيكي ... دموعك ... بكاكي لي اعتذارك ... خوفك ... ندمك ... حاجات كتير
حتى صدقك اللي وجعني وجرحني ... بحبك عليه
بحبك و عاوزك تقربي علشان اكون انا سعيد
و عاوزك تفضلي بعيدة علشان تلاقي انتي سعادتك بنفسك
نفسي في يوم نجتمع و نتفرج على الفيلم دا مع بعض
علشان اقدر ساعتها اوصفلك كل لحظة و احساس حسيته اول مرة
الذكاء الصناعي ... المشاعر و الألم اللي بنحسه
التخبط بين المرغوب و المؤلم
حاجات كتيييرة يا ريتك كنتي جنبي دلوقتي
وحشتيني بجد
وحشتيني
المشاركات
ليست هناك تعليقات:
إرسال تعليق