لا تــضــايـــق ... !!!

لا تضايـق قالهـا قلبـي وينطقهـا لسانـي
ليت كل الضيقة اللـي فـي عيونـك تبتلينـي
ودي أتضايق بدالك كـل لحظـة فـي زمانـي
الزعل ما أرضاه لأغلى شخص أبيه وهو يبيني
ايه تكفى اتـرك الضيقه تـروح ولا تعانـي
مابه أصلاً شـي يستاهـل همومـك ياحنينـي
امسح دموع الألم أرجوك وانساهـا عشانـي
كل أيامي فـداك وكـل عمـري مـع سنينـي
ماسواك اللي خـذا قلبـي بدينـه واحتوانـي
وماسواك اللي أضيع بوسط عينـه وألتقينـي
إنت أول من خفق قلبي معـاه إنـت الأمانـي
إنت بس اللي غـلاه بكـل لحظـة محتوينـي
إنت مايسكن عيوني غير طيفك طيـف ثانـي
وإنت وحدك من شغل فكري ووجداني وعينـي

تحياتي