منع عقد القران بالمساجد حاجة من اتنين

فوجئت اليوم بجريدة الدستور مع احد اصدقائي بعنوان " المساجد بمحافظة الدقهلية جائتها اوامر بمنع عقد القران في المساجد و ان هذه اوامر من الامن و من وزارة الاوقاف "

حلو اوي بس ...

لو واحد عاوز يتجوز يعمل ايه ؟؟؟!!!

واحد يعمل عقد القران في نادي و على انغام الموسيقى و الرقص - انا مش ضد الرقص و الموسيقى - بس عقد القران في المسجد عادة موجودة عندنا من زمان و متعودين ان الاشهار بيكون من المسجد علشان الناس تعرف ان فلان اتجوز فلانة في علاقة شرعية و مباحة

كما ان النادي عاوز مبلغ و قدره من العريس طبعا - دا على اساس ان الفلوس عندنا كتير و بنلعب بيها لعب - و ايه يعني لما ادفع 5 او 6 آلاف جنيه للنادي - دا على الاقل

او يعمله في البيت بقى و تقعد حماته تحرق في دم اهله مش معاك و مش قادر - على اساس انه مستخسر في بنتها و بيكن الدهب و الياقوت في مغارة على بابا تحت البيت !!!!!!!!!!

حاجة اخيرة القرار تقريبا صدر بسبب " نقار " بين الحكومة و الاخوان في المحافظة

او

ان صحاب النوادي اشتكوا فالحكومة عاوزة تنفعهم شوية - وش بيغمز -

تحياتي

كل حاجة بقرار من المحكمة

حد ملاحظ ان تقريبا مفيش حاجة في مصر الا و لازم يكون عليها قضية و بانتظار قرار محمكة علشان تحصل

انتخابات في نادي - لازم قرار محكمة -

اختلاف على قطعة ارض - حول الموضوع للمحكمة -

انتخابات نادي اعضاء التدريس - قضية في المحكمة -

مش عارف ليه حاسس ان كل حاجة دلوقتي لازم تستخرج الاول امر من المحكمة

عاوز قميص جديد - امر محكمة -

عاوز تشتري عربية - امر محكمة -

بد كدا عاوز تخلف ممكن تحتاج امر محكمة

و يا عالم حنحتاج ام محكمة ليه بعد كدا

تحياتي

عندما نتغير

سكوت ماكنتير " Scott McIntyre " لست من النوع الذي يتابع التلفزيون بشغف كبير لاسباب كثيرة و لكن برنامج امريكان ايدول طالما احببت متابعه على فترات و اعترف كثيرا ما افاجأ بالمواهب فيه و احبها و اليوم كانت المفاجأة جميلة و مؤلمة في ذات الوقت عندما استمعت الى الى سكوت ماكنتير ربما لم يعجبني ادائه في المرتين السابقتين " و خاصة عندما حاول العزف على الجيتار الكهربائي " و لكن اليوم اعجبني جدا ادآه النهائي في الحلقة و لكن عندما عرض مشواره مع البرنامج ازداد اعجابي به جدا عندما عرفت انه يعاني من اعاقة بصرية " visually impairment " اعجبني جدا اصراره و اقدامه .

لا أدري ربما لا اكون الوحيد الذي تتملكه الرغبة بالحكم مسبقا على الاشخاص الجدد في حياته و لكن كثيرا ما اغير هذا الراي عندما اتعرف اكثر الى بعض الاشخاص ربما يكون لبعضهم خيارات خاطئة و ربما ايضا اكون انا نفسي خيار خاطئ بالنسبة لهم و لكن كلما تقاربنا اكثر ربما و اقول ربما ازدادت حاجتنا الى تغير انطباعتنا الاولى عن الاشخاص



الكثير من المفاجآت و الكثير من التغيير



" القليل من الخوف و القليل من التغييركالبهارات الى الحياة و لكن الكثير فبالتاكيد يفسد طعمها في النهاية "





تحياتي