متتجوزوش سارة درويش

ما تتجوزوش..

لو بتتكسفوا تقولوا قدام بعض كلام عبيط

لو ما عندكوش حلم مشترك

لو مش بتلاقوا نفسكوا في حواديت بعض

لو بتتكسفوا تعيطوا قدام بعض

لو إيدِك مش بترتاح بالمللي جوا كفه

لو ماعندكوش فضول تعرفوا عن بعض أكتر

لو ما فيش بينكم كلمة سر انتوا بس اللي عارفين معناها

لو ما بتفهموش نكت بعض وبتضطروا تضحكوا مجاملة

لو مش مستعدين تخسروا كل حاجة مقابل انكوا تبقوا سوا

لو بتزهقوا من الرغي سوا

لو مش مؤمنين بأحلام بعض أو على الأقل محترمينها

لو متقبلين بعض على أمل إنكوا تغيروا بعض بعد الجواز

لو مش ماليين عين بعض

لو مش بتحسوا بالسكن في وجود بعض

لو مش هو/ هي اللي بيخطر في بالك أول ما تحصلك مشكلة

لو مش متأكدين من موقفكم بالنسبة لكل اللي فوق دا.. أرجوكوا ما تتجوزوش

‫#‏المشرحة_مش_ناقصة_قتلى‬

‫#‏سارة_درويش‬

عمرو احمد حسن :D

الحكاية باختصار 

بنت أطيب م النهار 

ايد تغمي عنيك بخفة 

وانت بتدوق الفطار

أم تعرف تبقى طفلة

طفلة تعرف تبقى دار 

الحكاية عن عنيها 

سيما صيفي وليل سكات

الحكاية عن خدودها 

ورد نبِّت غمازات 

بنت مكتوب ف بطاقتها

انها كوكب بنات 

ــــــــــــــــــــــــــــــــ

والصراحة قلبي دايب 

يوم بشِّد وعشرة سايب 

انتي حضن لشخص غايب 

انتي دستة بالونات 

ـــــــــــــــــــــــــــــــ

أما بخصوص الخناق 

واننا ف عدم اتفاق 

وان بيننا حرب أطول 

م اللي دايرة ف العراق 

ده جمال الحب فعلاً

لعنة الحب بغباء 

وابتلاء الغيرة واجب 

دايماً الغيرة ابتلاء 

وانتي ممكن اغير عليكي 

من دفا وشم ف ايديكي 

من عنيكي لو تغمض 

ثم فجأة تشوف عنيكي 

من حاجاتك ، بارفاناتك 

من هدوم علي شماعاتك 

من كلامك من سكاتك 

من صحاب ماليين حياتك 

فـ الطبيعي نكون تمللي في اختلاف 

والطبيعي ف كل شهر يومين عجاف 

والطبيعي لانك انتي الكون بحاله 

اني اشوفك عكس كل الكون ماشاف 

______________

ف الختام 

فيه كلام محتاج اقوله بس مش لاقي الكلام 

فيه حاجات محتاج اقولها وانتي عارفة 

اني خيبة 

واني بتلخبط ف اسمي

واني باعرق لما افكر 

وانتي عارفة ان انتي سكر

واني من غيرك وحيد 

واني صايم طول حياتي 

فجأة شوفتك جايّة عيد 

واني مش عارف اعبّر 

أو ابيّن شيء جديد 

أو أقولك يعني مثلاً

انتي نجمة فوق بعيد 

فاعذريني 

واحضنيني حضن كافي

حطي ايدك فوق كتافي 

وارقصي حتي ف خيالك 

تنزل المطرة اللي ساكنة ف غيم جمالك 

واعذريني لو ف نفسك كلمة عمري ماقولتهالك 

واعرفي اني بحبك

واني جنبك للنهاية

هي دي كل الحكاية .

الجميلة مرة أخرى : سارة عاشور

# كيف تنجو بقلبك

القاعدة الأولى: لا تقترب كثيرًا

القاعدة الثانية: لا تُبدِ اهتمام أكثر من المتوقع

القاعدة الثالثة: لا تضع أحدهم على قمة أولوياتك فيما أنت لا تحتل قمة أولوياته

القاعدة الرابعة: لا تبوح

القاعدة الخامسة: لا تتلهف

القاعدة السادسة: احتفظ بقلبك لأطول وقت ممكن

القاعدة السابعة: ستقع لا محالة

القاعدة الثامنة: حاول النجاة بما تبقى لك

القاعدة التاسعة: أنت تحب

القاعدة العاشرة: لا نجاة لك

‫#‏ساره_عاشور‬

الجميلة سارة عاشور

- هو لو واحد معجب بواحدة ممكن يعمل إيه؟
- ممكن يروح لها ويحاول يلمح لها أو يقولها بصراحة أنه معجب بيها.
- يعني أنتي لو واحد جالك قالك أنه معجب بيكي، هتعملي إيه؟
- على حسب مين الشخص ده وأنا حاسة حاجة من ناحيته ولا لا.
- طب لو أنا؟
- لو أنت إيه؟
- لو جيت قولتلك أنا معجب بيكي، هتقولي إيه؟
- مش عارفة ..
- مش عارفة إزاي؟ مش حاسة حاجة ناحيتي؟
- هو مش إحنا اتأخرنا؟ يلا نمشي.
- استني بس وفهميني وأنا مش هزعل، هنفضل أصحاب بردو.
- أنا متأخرة طيب ممكن نتكلم بكرة.
- ماهو دلوقت زي بكرة، ردي عليا وبعدين نمشي.
*قامت وقفت*
- مش هينفع أقعد أكتر معلش. سلام.
- أوك براحتك، تحبي أوصلك؟
- لا بلاش، سلام دلوقت.
- سلام.
*مشيت وطلعت الموبايل وكتبت له رسالة قالت له: لو أنت اللي معجب بيا فأنا ممكن أكون بردو معجبة بيك بس أنا اتكسفت أرد عليك.*


‫#‏ساره_عاشور‬

يقال ...

يقال أن : في حياة الأنثى ثلاث رجال ،، واحد يحبها وأخر تحبه .. وغريب تتزوجه .. !

عارفة

- تعرف؟

بيقولوا ان عينيا جميلة

لكن بتقَفِل في الشمس

- بالعكس الشمس اللي جميلة

لكن بتقَفِل في عينيكي

ومش عايز أعرف قالوا ايه عليكي

عمرو ابوزيد 

سارة عاشور

يارب جنبنا فقدان روحنا جوة توهة الروتين

وفي أصعب وقت ثبتنا على حبهم

يارب فكرنا بأسباب عشقهم

وابعد عن طريقنا البُعد والهجران يهجرنا

‫#‏ساره_عاشور‬

غريبة

معلومات غريبة

1-النوم لمدة ٩ ساعات أو أكثر يومياً يجعلك ترغب بالنوم أكثر ويزيد من إحتمالية إصابتك بأمراض القلب.

2-النساء أقل كذباً من الرجال لكنهن أكثر إبداعاً عندما يقمن بذلك.

3-مخ الإنسان يستهلك طاقة تعادل الطاقة التي تستهلكها لمبة 20 وات.

4-يميل الناس للإعتراف بكل شيء عبر المحادثات النصية، بعد منتصف الليل.

5-تشير دراسة نفسية إلى أن تغير صديقك ليس هو ما يؤلمك، الذي يؤلمك بالفعل هو أنك تتذكر كيف كان قبل أن يتغير.

6-لا تمشي على رجلك او تتكى علئ يدك وهي منمله قد تنكسر دون ان تدري.

7-أنت غير قادر على تذكر 95% من أحلامك بسبب حدوث بعض التغييرات فى المخ أثناء النوم التى لا تسمح بتخزين جزء كبير من المعلومات.

8-الغمازات "النغز" في الوجه رغم أن البعض يعتبرها جميلة و لكنها من ناحية طبية تعتبر تشوه في عضلات الوجه.

9-العلماء يقولون أن الكسل شيء طبيعي يمر به المراهقون, وهذا لا يعني سوء تصرفهم أو قلة ذكاءهم.

10-عندما تكون حالتك المزاجية ليست جيدة لأي سبب من الأسباب، فأنت تفتقد لشخص ما.

11-اذا استمرت صداقتك بشخص لأكثر من 7 سنوات، فغالباً تستمر هذه الصداقة إلى اﻻبد .

12-إطالة السجود تقوُي الذاكرة وتمنع من الجلطة الدماغية .

13-قبل النوم ,93% من المخ يبدأ في تصوير أشياء تتمنى أنت أن تحدث .

14-عندما تستقيظ في الساعه 2 أو 3 صباحا بدون سبب هناك احتمال بنسبة %85 ان يوجد مخلوق يراقبك.

( لا يقصد مخلوق يراقبك اي انه جن --- هذه الحاله تحدث ان يستيقظ شخص من الونم فجاه لسببين هما اولا روحاني لان الله ايقظه كي يدعوه ليستجاب له لانه بثلث الاخير من الليل وهي من البركه وحب الله للعبد وهديه الله والسبب الثاني كما قال علماء النفس انه يستقظ لان شخص بعيد عنه يحبه كثيراااا ويشتقاه ويبكي من اجله فيتذكر تفاصيله او يرى صورته فيهيم شوقا ومن كثرة هيامه ووشوقه يؤثر بالاخر النائم الذي لا يدري به فيستيقظ كنوع من الارواح التي تحس بالاخر --فكما قال ابن قيم الارواح جنود مجنده منها من تالف ومنها من تنافر وحتى لو كانوا بعيدون فالروح تشعر بمن احبها وحزن من اجلها )

15-إزعاج شخص بينما هو نائم يمكن أن يزيد من خطر إصابته بالانهيار العقلي الدائم

مي عبدالعليم

إنتا غير ؟!

ما انا قولت بردو علي اللي قبلك إنُه غير !

وإنُه نازل م السما 

و وعدني إنُه طول ما لسّاه فيه نَفَس

هيكون هِنا

وهشوف معاه كُل الهنا 

وإني الهوّا 

وإني الدوا 

وإني الوطن والأمكنة 

وإن الحياة من بعدي أنا مش مُمكنة 

والبصّه ف عيوني بمية مليون سنة 

وإنُه هيفحت ف الحجر علشان يكون من قسمتي 

يشاركني حُزني وفرحتي 

وف وقت وجعي وشدتي 

هسند عليه 

يبقالي أب 

يعاملني كَ الطفلة اللي بيه متعلقة

و وثقت فيه 

هيكون سبب

للـ ضحكة اللي م القُليب 

ولا يوم يغيب

و حاجات كتير و وعود كتير 

و يا إمّا أنا يا إمّا أنا 

وإنُه غير

‫#‏إتنيّل‬

تسنيم عبدالله

ماتجرحوش اللي قلوبهم طيبة عشان انتو عارفين ان قلوبهم طيبة ...

 ماتطمعوش في اللي مستعدين يدوا للاخر ...

 ماتكسفوش اللي راضيين بيكو و بقرفكوا و زعلكوا ماتخاوفوش اللي مش خايفين ...

 و ماتسرقوش الامل من عيون الفاشلين ...

 ماتوجعهومش ...

 ذروهم و ما بهم ...

منقوووول