إنتا غير ؟!
ما انا قولت بردو علي اللي قبلك إنُه غير !
وإنُه نازل م السما
و وعدني إنُه طول ما لسّاه فيه نَفَس
هيكون هِنا
وهشوف معاه كُل الهنا
وإني الهوّا
وإني الدوا
وإني الوطن والأمكنة
وإن الحياة من بعدي أنا مش مُمكنة
والبصّه ف عيوني بمية مليون سنة
وإنُه هيفحت ف الحجر علشان يكون من قسمتي
يشاركني حُزني وفرحتي
وف وقت وجعي وشدتي
هسند عليه
يبقالي أب
يعاملني كَ الطفلة اللي بيه متعلقة
و وثقت فيه
هيكون سبب
للـ ضحكة اللي م القُليب
ولا يوم يغيب
و حاجات كتير و وعود كتير
و يا إمّا أنا يا إمّا أنا
وإنُه غير
المشاركات
ليست هناك تعليقات:
إرسال تعليق