الجمعة، 10 يناير 2014

عام جديد 2014

كنت اتمنى لو نبدأ العام بكلمة أكثر ملائمة و لكنها الأقدار 

رسالة من لاجئ فلسطيني إلى لاجئ سوري:

ستكون الخيمة مزعجة في الليلة الأولى ..ثم في السنة الأولى .. بعد ذلك ستصبح ودودة كواحد من العائلة .. لكن حذار ان تقع في حبها.. كما فعلنا نحن .. لا تبتهج إذا رأيتهم يقيمون مركزا صحيا أو مدرسة ابتدائية .. هذا خبر غير سار أبدا .. و إياك إياك أن تتورط بمطالبات غبية كبناء بيوت بسيطة بدل الخيام .. ذلك معناه انك بدأت تتعايش .. فهنا مقتل اللاجئ .. و هنا أيضا مقبرته ..ولا تدرب أولادك على الصبر .. الصبر حيلة العاجز .. سيبيعك الناس لبعضهم .. تلك هواية السياسيين .. وسيأتيك المتضامنون من كل بلاد العالم .. ستصبح أنت شعارهم الانتخابي .. سيتقربون بك الى الله .. وستزداد همة الناس في تفقدك في رمضان .. وفي الأعياد والمناسبات الدينية .. والبعض سيصور أطفالك منهكين وجائعين .. لتكون موضوعا لصورة تفوز بجائزة دولية .. لا تلتقط الصور التذكارية مع سفراء النوايا الحسنة .. ولا تشكو لهم حرارة الطقس أو من الحصى في الخبز ..و احذر أن تطالب بخيمة أفضل .. فليس ثمة خيمة أفضل من خيمة الوطن.. و أخيرا ؛ لا تنادي يا عرب ، لأن الاستغاثة بالأموات حرام.

من صفحة أحلام مستغانمي 

الاثنين، 30 ديسمبر 2013

محمد البري ... Mohamed B Elbery

يا أيها الذين حبّوا
ثُم خبّوا
ثُم بِعدوا واستخبوا
هل يجوز الهجر دومًا
هل يموت الحُب يومًا
جوّه قلب المجروحين
هل قلوبنا ساجدة سهوًا
في صلاة المُغرمين
هل بتَتْلُواْ العِشق جهرًا
وسط آيات الحنين
هل بتطلب قُرب دهرًا
هل بتقبل ورد مهرًا
وفي بعادها تستعين
بالدُعاء والصبر جايز
النصيب ينطق آمين

الجمعة، 27 ديسمبر 2013

جويدة الوجع


لا تشعريني أنني 
أصبحت يوماً عابراً وطويته
أنا لا أبيع العمر ياعمرى 
ولا أرضى الثمن 

العش تحمله الرياح 
يضيق وجه الأرض
ترتعد الطيور
تدور تبحث عن سكن
ماذا سيبقى الحزن في قلب جريح
غير أطلال الشجن

عن قصة الفيس بوك "Face Book "

مش كل " Like " بيبقى معناها " أعجبنى ...
فى لايك معناها " وجعنى .. زعلنى .. ضايقنى .. إستفزنى "
ولايك معناها " وحشتنى .. إفتكرنى .. سامحنى أو حتى صالحنى "
ولايك " فهمتك ؛) " .... ولايك " محتاجلك :") "
ولايك تانية " بقى هو ده اللى هتقفل الفيس وتنام "
ولايك " مبتذاكرش ليه يا حيوان "
ولايك " مبتسألش ليه يا جزمة :| "
ولايك " دنت هتشوف أيام سوده :@ "
ولايك " هو إنت نسيتنى !! " .. ولايك " أنا جمبك متخافش "
ورا كل " Like " حكاية

الخميس، 26 ديسمبر 2013

محمد انسان

أختى العزيزة ., بعد التحية والسلام . والتشديد ع الاهتمام . حبيت أسلم من كل قلبى . وأتمنالك فرحة وامان . أما بعد يا اختاه . تعرفيش الفرحة فين ؟ كان ليا أصل حبيب وتاه . ومابقتش عارف فاضلى مين ! . أختى العزيزة انا مش حزين . انا بس واحشك حبتين . وببعت سلامى ودمعتين . لكل من راح وفارق . و ساب فيا وجع بكرة . وأقوله قدرنا نتفارق . لكن فـ القلب 100 ذكرى . أختى العزيزة ماتنسنيش . انا محتاجك على فكرة !

الأربعاء، 25 ديسمبر 2013

و كيف ذلك ... !!!


دكتور مصطفى محمود

والحب الذى ينقلب بسرعة من غرام إلى كراهية ملتهبة .. هو الحب الشهوانى الأنانى الصغير الضيق الأفق الذى لايحالفه الفهم والعقل ...

كم تمنيت لو اني يوما كرهتك :(

الثلاثاء، 24 ديسمبر 2013

زياد سحاب

تفرانيل 75 محمد ابراهيم

أنا فاضل لسة معايا

كام "أول مرة " ف جيبي ؟؟

كام عود كبريت ف العلبة 

مرضيش يولع ع الفاضي ؟

كام عود ملهوش ولا سابقة 

ف الحرق إلا المرادي ؟

أول مره ادخل سيما 

مع بنت... كانت ف اعدادي 

كان كده للموضوع قيمة 

وبعديها خلاص.. بقى عادي 

أنا اسف جداً جداً

علي أول مرة اتحرقت 

ع الفاضي ومش وياكي 

و أبوسك أول بوسة 

تتباس أصلاً ف حياتي 

و اتأسف بعدك تاني 

علي أول مرة معاكي

و اتأسف تاني وتالت

علي كل كلام اتقال 

و أحرق ف حاجات اتقالت 

كانت لازم تتشال

لبتوع الدور الجاي 

و الجاي أبقى من الفايت 

و ميت بيسلم حي 

والميت وإن كان تافه

ف بيفضل ملهوش زي 

ف انا حفضل فاكر ميّ

و أول ايد بنت امسكها 

و أول شوكلاتة هدية 

و أول توصيل للبيت 

و لحد مافجأه لقيت 

مش باقي معايا ف جيبي 

غير كام" أول" يتعاش 

لا أعرف إن كنت حشيلهم 

ولا حبيعهم ببلاش 

متشكر جداً جداً

على وقتك تاني يا دكتور

العفو يا سيدي …اتفضل 

و اديتني روشتتي تاني 

مشطوب منها اربع تسطر

-مش حاسس إنك أحسن ؟

من اخر مرة تجيلي ؟

-مش حاسس أصلا حاجة 

و علي إيدك يعني أديلي

ساعتين عمال أتكلم 

و مش فاكر نص كلامنا 

-السبت الجاي معادنا؟

لأ دنتا الحد ... نسيت

خد بالك بقى من نفسك

وفيه دوا حنكرره تاني 

-أنا أصلا حبقى كويس

و مفيش حاجة مضايقاني 

و اخدت الباب ف اديا 

وما صدّقت إني مشيت 

...

كان فاضل لسة سيجارة 

ف العلبة لقيتها معايا 

بس استخسرت أشربها 

قبل أما أوصل للبيت

الجمعة، 13 ديسمبر 2013

عارفة

انا أجدع صاحب راح تلاقيه
انا أحسن عاشق راح تشوفيه
انا أب وأخ وعيله كبيره وبيت واسع
و فـ عشقك بس بقيت لاسع !
وانا حابب فـ العشق جنانى
وبعادك أو قربك واحد
علشان فـ الحالتين وحشانى
محمد ابراهيم