الجراحة انتهت ... و باقي النساء والتوليد يا مهون

انتهت يوم السبت 5 \12\2009 اخر امتحانات الجراحة
امتحان العملي كانت الحالات الخاصة بي :
hepatosplenomegaly
كحالة طويلة بمئة درجة كاملة
و الحالات القصيرة :
indirect inguinal hernia
& varicose veins and ulceration
كحالتين ب 50 درجة لكل منهما
الحالة اللونج كانت بيد الدكتور علاء خليل : دكتور زي السكرة مش عارف الكلام كان بيطلع ازاي بس بجد جاوبت على اسأله كتير قوي
و قعدت اتكلم معاه عن المستقبل و الذي منه ... و هزر معايا و ضحكنا و كان يعرف دكتور محسن الدراوي الحمد لله اللجنة كانت رائعة و اخدت درجة كويسة جدا
اللجنة التانية كانت حالتين الشورت دكتور محمد خليفة : مدرس جديد - يعني لسه واخد دكتوراة - بس للاسف اللجنة مكنتش زي ما توقعت كانت لجنة غلسة جدا رغم اني كنت عارف حاجات كتير عن الحالتين بس مجاش حاجة خالص على بالي ... مش عارف ... مش فاكر ... معنديش فكرة ... الكلمات دي اتكررت كتير في اللجنة ... بس بجد الدكتور ضغط عليا جدا خصوصا في حالة الفتاق الاربي دي
كنت طالع مخنوق بس احساس اني خلصت جراحة طغى بعد كدا ... و يا رب اكون خلصت جراحة فعلا
كدا مش فاضل غير النساء و التوليد ... ربنا يستر فيهم و في نتيجة الباطنة


ادعولي فانا احتاج الى الدعاء


تحياتي