الماستر ... و حاجات تانية

بعد يومين حيكون عندي امتحان  الورقة التانيةفي الباطنة

endocrinology , nephrology , haematology , rheumatology

,  infectious diseases and general medicine 

الفكرة اني بجد مش عارف اذاكر ... انا مقضيها قراية مش اكتر 

الحفظ محتاج روقان بال ... محتاج ترتيب و جدول و كدا 

مش عارف فكرة اني ممكن معديش الامتحانات لسا موجودة 

في مجموعة من الدكاترة حواليا دلوقتي بيعمل بمبدأ خبي و متعرفش حد حاجة

و دي في التعليم و الطب حاجة وحشة بجد

محتاج ارجع اشتغل تاني ... 

الموضوع صعب جدا من غير شغل ... 

بافكر بجد في تغيير التخصص ... 

لو لقيت فرصة في قريب حاغير تخصصي 

السفر لأمريكا او اوروبا بيبعد كل ما الوقت بيمر ...

الارتباط بالعيلة بيزيد ...

الاحتياج بيفرق ...

كلمة ليها ... عارف ان النهادرة امتحانك ...

و كنت عاوز اتصل اتطمن عليكي ... 

بس مينفعش ... لازم تنسيني 

و لازم احاول انساكي 

رغم ان انا مفتقدك اكتر مما تتصوري ...