الجمعة، 31 يناير 2014
وحشتيني
للمرة المش عارف كام
تبعدي عني و متحبينيش
و احس انك فاقد الكون كله من بعدك
و من بعدك حاعيش و انسى الوجع
و يمكن انساكي
و ارجع افتكرك
و متفتكرنيش
و حنعيش
الاثنين، 27 يناير 2014
الأحد، 26 يناير 2014
الأربعاء، 22 يناير 2014
عن ارزل العمر ... و الاهانة
باتكسف الحقيقة لما الاقي حد عجوز و بيتسول ... رغم ان في ناس منهم كتير واخدين الحكاية مهنة بس باحس ان الذنب مش ذنبهم ... باحسها اهانة كبيرة قوي لسنهم و ان ربنا ميرضاش لينا اننا نعدي عليهم كدا و قلبنا حجر
بارجع و اديهم اللي فيه النصيب و بادعي يا رب ما تكتبه على حد
الخميس، 16 يناير 2014
انما بعثت لاتمم مكارم الاخلاق
المشكلة دلوقتي مع المتاسلمين انهم لما يبدأوا يمشوا في طريق الالتزام من وجهة نظرهم بتبدأ دائرة علاقتهم تقتصر على من هم على امتدادهم و تتقلص درجات تقبلهم للاخرين على مجرد المعرفة السطحية و ليس هذا من الاسلام في شيئ على ما اعتقد
:(
سارة عاشور
- أنا اسف جدًا
- على ايه؟
- ع البُعد إن زاد
- مانا قلبي اعتاد
- مش بإيديا
- مش هنعيده
- مش زعلانة؟
- مش ندمانة
- أبقى اتطمن؟
- كالمعتاد
- لأ هتكلم
- ولا هسمع حس
- بكرة تشوفي
- أنا عارفاك
- طب هثبتلك
- مش محتاجة ..
أنت هتمشي وأنا هعتاد.
الأربعاء، 15 يناير 2014
الاثنين، 13 يناير 2014
محمد ابراهيم ... احساسك
هل تعلم أنك أحيانا ..
بتحس بإنك مش حاسس ؟!
وكإنك خدت فـ إحساسك
100 حقنة بنج ..
وضلوعك بقوا حبة خُرده
وتشوف الدنيا بعين بارده
ويتحول قلبك يومها لتلج
والناس يتساووا قصاد عينك
وتشوف الفارق مش فارق
وتشوف اللمه بتفكك
وتشوف الحلو ملوش قيمه
وكإنك قاعد فـ السيما ..
وحياتك فيلم قديم شوفته
ولذلك بقى مش بيضحك !
الاشتراك في:
الرسائل (Atom)
المشاركات
