احلم معايا ... حمزة نمرة ...

أنا مش باكره مصر ... أنا باكره اللي بيحصل فيها

أيوة هوا دا اللي جوايا ... أنا عاوز وطن ...
اتفرجوا على الكليب دا ... ممكن يشرح أحسن مني :

تحياتي

11\11

يوم جديد ...
ليس جديد بالمعنى العام او الطبيعي ...
و لكن 11\11 لها وقع غريب ...
و خالص الشكر للسيد باولو كويللو ...
كاتب عرفني به أدهم الشهابي ...
المهم 11\11 لا يمكن ان يمر هكذا مرور الكرام و هذا ما حدث ...
كنت اتمنى لو ... ولا أقولكم بلاش أحسن حد يزعل مني و لا حاجة ...
أديني باتمنى و خلاص ... و على راي عمر الأيمن الأماني و الأمل ...
Hope ... للاسف مش قدامي حاجة اعملها دلوقتي غيره ...
للاسف ...
فلتحظوا جميعا بيوم سعيد


تحياتي

حالة من الحزن الشديد ...

اشعر الآن بحالة من الحزن الشديد ... اعتقد أن ما اشعر به الان هو المعبر عما يسمى القلب المكسور
حزين جدا جدا

:'(
و لا تحيات هذه المرة
من جديد : ما اشعر به الان ليس له وصف
مشاعر غريبة لم اتمنى يوما ان اعيشها ابدا
لماذا اعرف و لا اعرف
حالة من الضياع ... ربما اكون مذنب و لكن ليس الى هذه الدرجة
ليس الى هذه الدرجة

مازلت افكر فيها ...

رغم كل شئ ... رغم كل ما حدث ... و رغما عني ...
نعم ما زلت افكر فيها ...
لا أدري لماذا ... و لكني افعل هذا رغما عني ...
لا أستيقظ كل يوم إلا لشوقي أن يكون هذا اليوم ...
غير اليوم الذي مضى بالأمس ...
لا استيقظ إلا لشوقي لرؤيتها أو سماع صوتها ...

إليك سيدتي ... بل إليكي ملكتي ...


أجمل و أرق ...
تحياتي

عيد الحب ...

مساء الفل و الورد عليكم كلكم ... مش عارف مبسوط ليه دلوقتي ... بجد و الله مش في سبب معين ... المهم عرفت ان النهاردة هو اليوم الرسمي للاحتفال بعيد الحب في مصر ... 4 نوفمبر ... انا مش حناقش الفكرة لان مش دي وقتها و لا معادها
انا حاتكلم عن تلات حاجات بالتحديد :
اولا ... اغنية تتجوزيني ... اعتقد انها كلمات و تلحين معز مسعود ... ايون الباشا اللذيذ بتاع برنامج الطريق الصح ... الراجل دا دماغ بجد ربنا يحفظه ... الاغنية بصوت هاني عادل ... ايون بتاع فرقة وسط البلد ... و الاتنين ابدعوا فيها بجد ... انا عن نفسي حطيت الستاتيس بتاعي على الفيس بوك كلمة واحدة ... أكيد عرفتوها ... " تـتـجـوزيـنـي ... ؟؟؟ " و بجد كان نفسي لو أقولهلها النهاردة :(

الحاجة التانية ... أنا بعت رسالة فاضية ... أيوة رسالة فاضية ... الرسالة دي حتقول كل حاجة أنا عاوز أقولها ... بس

الحاجة التالتة ... افتكر ان الحاجة التالتة دي كانت الستاتيس بتاع الفيس بوك ... بس انا اتكلمت فعلا عنها ... و بحلم لو تدخل تقول آآآآآآآآه ... بس ما اعتقدش ان دا ممكن يحصل ... للاسف :(

دا رابط الاغنية على الـ You Tube :
http://www.youtube.com/watch?v=KSzHpKXCJFQ

مش عارف الايمبيد حينفع و لا لأ :


الايمبيد نفع يا جدعان نفع

تحياتي

موسيقى ... و لا أشياء أخرى

الموسيقى ... لطالما أحببت الاستماع الى الموسيقى منذ صغري ... اذكر انني كنت امتلك واحد من اجهزة الراديو الصغيرة تلك أضعها تحت المخدة و اشغلها كل ليلة لمدة لا تقل عن الساعة قبل النوم ما بين برامج اذاعية و برامج موسيقى ... هذه المرة قررت تفريغ قائمة الاغاني المفضلة لدي في الاونة الاخيرة :
Mia rose : covers Demi Lovato's don't forget
Taylor Swift : love story
Leon Jackson : creative
Goo Goo Dolls : iris
Vanessa Carlton : 1000 miles
Michael Buble : save the last dance for me
Avril Lavigne : why
محمد فؤاد : لو عايز تفتكرني
كاظم الساهر : تحبني
ماجد المهندس : اذكريني
عمرو دياب :و نندم على العشرة الغالية
جنات : مين بيعيش
هذه القائمة الاكثر استماعا من بين ما يقرب من الألف track على الموبايل ...
هناك بعض الاغاني التي استمع اليها على فترات متباعدة :
عمرو دياب : متخافيش
محمد منير : امبارح كان عمري عشرين
فيروز : شايف البحر

و بالطبع لا تكتمل المتعة من دون الاستماع الى صوت الست أم كلثوم او العندليب عبدالحليم حافظ




تحياتي

انتهاء الباطنة ... و الحمد لله

انتهت و لله الحمد امتحانات الباطنة يوم الثلاثاء الماضي انتهت في تمام الثانية عشر إلا ربع ظهرا ... عندما سلمت ورقة صغيرة دونت عليها أسماء الشرائح التي عرضت علينا خلال الشيفت ... نهاية غير متوقعة تماما لوحش و كابوس فظيع لأي طالب طب يسمى الباطنة ... حالة من الذهول ... لا بل الأذبهلال - إن صح التعبير - ... وقفت بلا رد فعل لما يقرب من 15 ثانية " كدا انتهت الباطنة " لا لا مستحيل ... مش ممكن
لم أفق إلا على صوت الدكتور و هي تقول : يللا اتفضلوا اطلعوا علشان زمايلكوا يدخلوا ... !!! لا مستحيل المفروض الباطنة تنتهي بطريقة غير دي ... أي طريقة غير دي ... فين الدم ... في الصريخ ... فين قطع غيار البني آدمين المتطايرة في الأنحاء ... سكون غير عادي أحسست به بعد انتهاء الامتحان ... أمال كانوا بيخوفونا منه ليه بقى ... مهي طلعت سهلة أهيه و أنا طلعت حتة واحدة من الامتحان ... أمال في إيه بقى ..؟؟؟
مش عارف ... المهم أنه و في يوم الثلاثاء 27\10\2009 انتهت امتحانات الباطنة رسميا عندي - و ربنا يستر و مش ندخلها تاني P: -
انتهت ان شاء الله بلا رجعة ... الحمد لله ... نبدأ بقى نركز علشان نذاكر الجراحة يا جماعة ... أيون الجراحة همتكوا معايا ... أنا اذاكر و انتوا ادعولي انجح يا رب ... يا رب تنجح يا تتح ... تتح مين يا عم انت ... يا رب تنجح يا أحمد ... :)
رسغ إيدي اليمين رجع يوجعني تاني ... مش عارف إيه قصته دا ... ربنا يستر ... عاوز اروح اعمل اشعة عليه بعد الامتحانات ان شاء الله ... و كمان خلال الامتحانات بتاعت الباطنة بعد الورقة الاولى على ما اذكر ... جالي حالة arrhythmia او عدم انتظام ضربات القلب بس الحمد لله كانت بمعدل واحد لكل عشرة او تسع دقات ... يعني لسه بدري كدا يا عبد الحكم ... رد عبد الحكم و قال : لسه بدري قوي يا حبيبي ... و علت وجهه ابتسامة باتساع بحر إسكندرية ... :)
صديقي العزيز أ.ح.م.ع. دخل معايا الامتحان السنة دي بس دي تالت مرة ليه للاسف ... بس أنا متفائل خير انه يعدي السنة دي ان شاء الله ايون طبعا ... مش انا معاه لازم يعدي ... طبعا ... :)
الحقيقة الدفعة بتاعت خامسة دي دفعة بجد جدعة ... الناس دي باسم الله ما شاء الله ... معاهم ناس ذات حيثية على راي دكتور خالد هدهود -حاحطلكم صور للدكتور خالد قريب ان شاء الله - و بجد دفعة متعاونة جدا بجد الحمد لله اني دخلت معاهم ... على الاقل افضل من دفعتي الله يسامحهم ... ربنا معانا كلنا ... :)
من ضمن الافكار اللي عاوز انفذها ان شاء الله ان المذاكرة للمعادة البريطانية ان شاء الله حتكون كلها عن طريق الخرائط الذهنية mind maps فكرة جميلة و سهلة ان شاء الله

و دلوقتي كفاية كدا بقى علشان لازم انزل شوية


تحياتي

تحديث : نفس اليوم
كنت استمع لما يقرب من الساعة إلى اغنية أحضان الحبايب لعبد الحليم حافظ ... من الاغاني الحزينة بحق و لكني لاأستطيع مقاومة عدم الاستماع عليها ...
هذا رابط للأغنية على you tube
http://www.youtube.com/watch?v=5hrk8XKIJu8
مرة أخرى


تحياتي

الثاني عشر من أكتوبر ... و الباطنة

السلام عليكم
اليوم الإثنين الثاني عشر من أكتوبر 2009 انتهيت و لله الحمد من الورقة الأولى و الثانية من مادة الباطنة
إحساس غريب و لكنه جميل لذيذ الذي أشعربه الآن و كأنه كما يقال " حمل و انزاح " رغم أنني مازلت غير واثق مما قد تسفر عنه النتيجة لاحقا و لكن لا مشكلة .
ما زال أمامي ما يقرب من اسبوعين تقريبا ممن الامتحانات لنفس المادة ما بين شفوي و عملي و غيرها و لكن الكم الاكبر انتهى و الحمد لله سانتهي منها حسب الجدول في 28 أكتوبر أي بعد 16 يوما
اعتراني حزن شديد بالأمس ... رغم أنني قابلت العددين ممن لم أرهم منذ زمن ... إلا أنني كنت حزين فعلا رغم ذلك ...
رغبة عارمة في الإنتهاء من البكالريوس و الإمتياز و الجيش ... و رغم كرهي لما بعد ذلك ... إلا أنني فعلا أود لو اترك البلد باسرع وقت ممكن ... آلاف الأفكار عن السفر و ما بعده ... جميع ما خططت له أنا و الشله ... المليون الأول ... صينية المكرونة بالباشيمل ... أكبر مستشفى في الشرق الأوسط ... و غيرها مئات على مدى سنتين نخطط لها
بعد قليل سأبدأ مذاكرة الجزء الخاص بامتحان الغد ... هو باختصار امتحان اختيار من متعدد MCQ محاولة لتقليد أمريكا في الامتحانات و لكنها حتى الآن فاشلة اللهم إلا من امتحان روند العظام الذي أحسست فعلا بصعوبة في الإجابة لأن الاسئلة كانت مختارة بعناية على ما اعتقد ... هذا الرأي طبعا سيختلف معي فيه متخصصي الورقتين و اربع عيون ( D: )
أعجبني جدا كليب على الـ you tube اسمه iam in love و هذا الرابط الخاص به :
http://www.youtube.com/watch?v=s_wGoefyLTA
... ربما يعبر ولو من بعيد عما أشعر به - فقط ظلل العنوان و اضغط بالزر الأيمن للفأرة و اختار copy و ضعه في بار العنوان في المتصفح و اضغط paste و اي خدمة يا باشا :) -
ادعوا لي بالتوفيق إن شاء الله



تحياتي

ادعولي ربنا يسترها و يعديها على خير

السلام عليكم
المذاكرة و الفيس بوك و ترافيان و الياهو ماسنجر و اللي دايما شاغل بالي ... و أشياء أخرى كثيرة تمنعني من التركيز
اعلم ان كله هذا خطأ ... و أنني لابد ان اركز و لكن ماذا افعل ... هذا الاحساس غير جميل على الاطلاق ... قلق من كل الاتجاهات


نصيحة : ليس من المنطق أبدا أن تحتفظ بهمومك لنفسك ... كما انه ليس من الصواب أيضا أن تفعل ذلك
أفل ما يمكنك ان تفعله ان تبحث لك عن هواية ... هواية يمكنك من خلالها ان تخرج كمية مما تختزنه في نفسك
ان تخرجه باي طريقة ... المهم ان يخرج و لا تتركه يتراكم أبدا

حاول ان تقلل دائرة الناس الذي ترتبط بهم ارتباط شديد لانه لابد يوما من الفراق لا أقول لا ترتبط بالناس ... لا ... و لكن كل ما اقوله لا تهب مشاعرك لكل من هب و دب ... و لا تثق في كل من ابتسم لك ... نعم هناك في هذا العالم مخادعين ... و ما أكثرهم فخذ حذرك دائما




تحياتي

بدون عنوان ... !!!

اعتذر جدا على الغياب ...
حدث الكثير خلال العام او الاثنين المنصرمين ...
لا وقت الان لكل ذلك - و لكن ساعود حتما لاتكلم عن الكثير مما حدث لي خلالهما ...
لانه لابد ان اتحدث ... -
المهم كما فعلت تقريبا في امتحان الاطفال في العام الماضي سافعل مع الباطنة أيضا
ستبدأ الامتحانات ان شاء الله يوم السابع من اكتوبر - الذي يوافق يوم اربعاء -
اعتقد انني خلال هذه الايام القليلة ساقوم بمذاكرة كتب الباطنة كاملة و لاول مرة في سنتين
ربما يكون اهمالا و لكن ينضم اليه اشياء اخرى :)'
افتقد الكثيرين الان ... منهم من افتقد مجرد سماع صوته ... منهم من افتقد كتابته على المدونة
منهم من افتقد كل شئ بدونه ... منهم من افتقده لمجرد عدم وجوده في حياتي هذه الايام
اليوم انا على اعتاب انهاء دراستي الجامعية ... مرحلة كانت تمثل لي يوما حلما كبيرا جدا
بعد اشهر قليلة ساكون مطالبا باشياء كثيرة اتركها الان لانه ليس وقتها و لكني اعرف انها موجودة
ارجو من كل من يقرأ هذه الكلمات الدعاء لي سواء بالنجاح في هذه الامتحانات ... او بالتيسير عموما
في ما سيأتي من حياتي بعد انتهائها ...



تحياتي