2014 ... اختبار جديد

 عاوز اتفرج علىأكبر عدد من  افضل 500 فيلم في IMDB

و نقرا 25 رواية

و 5 كتب علمية في حاجة غير الطب - غير التخصص يعني - 

وادخل امتحان او اتنين - الزمالة او المعادلة او الماستر - 

و ازود الفلوس اللي محوشها 50 في المية - ابعت يا رب بالحلال - 

اقابل واحد او اتنين من اللي باحبهم 

اخلص الرسالة بتاعتي 

دول اللي على بالي دلوقتي 

علشان الوجع "أوي "

أوي

وحشتيني ... أوي ... أوي 

وحشتيني

للمرة المش عارف كام 

تبعدي عني و متحبينيش 

و احس انك فاقد الكون كله من بعدك

و من بعدك حاعيش و  انسى الوجع 

و يمكن انساكي 

و ارجع افتكرك 

و متفتكرنيش 

و حنعيش 

و صلى لله

يا رب

و دا معنى يا رب من قلب صادق 

عن ارزل العمر ... و الاهانة

باتكسف الحقيقة لما الاقي حد عجوز و بيتسول ... رغم ان في ناس منهم كتير واخدين الحكاية مهنة بس باحس ان الذنب مش ذنبهم ... باحسها اهانة كبيرة قوي لسنهم و ان ربنا ميرضاش لينا اننا نعدي عليهم كدا و قلبنا حجر 

بارجع و اديهم اللي فيه النصيب و بادعي يا رب ما تكتبه على حد 

انما بعثت لاتمم مكارم الاخلاق

المشكلة دلوقتي مع المتاسلمين انهم لما يبدأوا يمشوا في طريق الالتزام من وجهة نظرهم بتبدأ دائرة علاقتهم تقتصر على من هم على امتدادهم و تتقلص درجات تقبلهم للاخرين على مجرد المعرفة السطحية و ليس هذا من الاسلام في شيئ على ما اعتقد 

:(

سارة عاشور

- أنا اسف جدًا

- على ايه؟

- ع البُعد إن زاد

- مانا قلبي اعتاد

- مش بإيديا

- مش هنعيده

- مش زعلانة؟

- مش ندمانة

- أبقى اتطمن؟

- كالمعتاد

- لأ هتكلم

- ولا هسمع حس

- بكرة تشوفي

- أنا عارفاك

- طب هثبتلك

- مش محتاجة ..

أنت هتمشي وأنا هعتاد.

#ساره_عاشور

حنتلاقى

علي الحجار و عمر خيرت 

اســـمـــع