أكثر ما يفضح الأُنثى عيناها .. وَ أكثر ما يستفزها صَمْتَ رجل تحبه.!
فاكرة كنتي بتلحي عليا إزاي ^_^
الخميس، 16 مايو 2013
البنات سكر نبات
ايه لزمة البنت فى حياتك ؟!!
(1) راجع من شغلك لو كنت بتشتغل أو من الكلية أو المدرسة لو طالب أو من القهوة لو كنت عاطل ..طالع عينك وعرقان .. جزمتك بقت جزء من رجلك وحاسس إنها مش هتخرج .. القميص أو التي شيرت بيسبلك ونفسه يقولك متبقي تحط مزيل عرق يا متخلف .. شعرك اتبهدل وبقي زيه زي شعر صدرك وبقيت شبه ساكن كوكب بلوتو لما شعره يبوظ (لو كان سكان بلوتو شعرهم بيبوظ يعني !!)
عمال تحلم بكوباية شاي أو كوباية لبن سخن ودش دافي وسرير تفرد أطرافك عليه قبل ما تسيبك وتقع .. عينك حارقاك من كتر مية العرق المالحة اللي جواه .. حالتك تصعب ع الكافر .. تفتح باب الشقة تلاقيها مستنياك .. ومجهزالك العدة اللي هتريحك .. السخان جاهز والأكل حالا هيبقي ع السفرة يا حبيبي
...............................................................................................
(2) طالع عينك في الكلية وشكلك هتشيل السنة .. متخانق مع الحاج في البيت كالعادة وشكله نفسه يطردك .. مش معاك ولا مليم أو ده هيحصل بكره أو بعده بالكتير وملكش عين تقوله فلوس يا حاج لأن الرد مش هيكون بالبق .. أعتقد شباشب الحمام اتعملت عشان تترفع في الهوا وتنزل على الحته اللي ربنا يكرم بيها ومعاها بق مفتوح على آخره "انت مش لسه واخد مني من يومين يا بن ال..... لحقت تخلصهم ؟؟ .. هو انت بتقعد على قهاوي ولا بتشرب ... الخ" كلام من هذا القبيل .. واحد صاحبك مضايقك وبيعمل فيك اسفينات عشان بيكرهك .. الدنيا مكركبه على دماغك آخر كركبه .. طب تموت نفسك ولا تهرب من البيت ولا ... (( مالك بس يا حبيبي ؟)) .. هتسمع منها الكلمه دي هتبص في عينيها وتحكي اللي جواك .. هتسيب دموعك تتمشي على خدك وايدك تحضن اديها وتقولها أنا مخنوق .. هتلاقي أحن ايد وأحن ابتسامة وأحن نظرة تخليك تقول للدنيا إنك راجع تاني وكل مشكلة وليها حل .. ومعاها.. هتلاقي الحل بسيط كمان ..
...............................................................................................
(3) الماتش بكره ووعدت أصحابك انك رايح معاهم الاستاد وكله جاهز .. يومها بالليل فلوسك خلصت ع القهوه .. هتتصرف ازاي؟؟ كارثه .. مينفعش تقول مش رايح هتطلع عيل .. قسط الدي اس ال بكره ومش معاك ولا مليم وهيبقي شكلك زباله قدام الواد جارك .. بكره قسط الجمعية اللي انت اتدبست فيها ولازم يتدفع لينفخوك .. طب يا نهار أزرق ده مفيش ولا مليم .. وفي كل الحالات هتجري على اختك الكبيره ... اا حايح .. هتلوي بوزها وتبصلك نظرة بمعني يا لهوي عليك انت مبتبطلش ؟؟ .. بس في الآخر الفلوس هتطلع ومشاكلك هتتحل ..
(( بس المره الجايه مش هعبرك حافظ على فلوسك شويه يا أخي انت ايه ؟؟ وابور ؟ ))
** الحياة من غير بنت تحبك _ أيا كان دورها ونوع حبها ليك _ هتبقي ضلمه وملهاش لزمه .. مين اللي قال إن البنات نص الحياه ؟.. البنات هما الحياه كلها .. ونص !!
( عمر طاهر
ل " آلا حمدي " من الفيس بوك
آخر شهر قبل وفاتـه ..
كـنت بـذاكر انا وأختي Asmaa Hamdy Musallamy في الشقة اللي فوق ويتصل علينـا عشان ننزل نتـغدى معـاه تحت .. وميرضـاش ياكـل إلا لمـا ننزل :)
طلع لنـا مرة فوق وكـان جايب هديـة معـاه من السعودية لكل واحدة فينا "خاتم ذهب " وخباهم وراه ظهره وقالنا تعالو "بس بصراحة احنا كنا عارفين ايه الهدية" ، وخلانا نختار كل واحدة اللي يعحبها " طبعا كنا متفقين هنختار ايه قبلها " ^ــ^
أخدني معـاه مرة البنـك لسحب فلوس قبل مايروح المستشفى ، وركـب هو قدام جنب السـواق ـ عشان يفرد رجله كويس- وركبت انا ورا مع ازواج عماتي الاتنين ..
ولما شاف اني هكون قاعدة جنب زوج عمتي خلاه يركب هو قدام ونزل ركب ورا معايا في النص بيني وبين زوج عمتي التاني .... "كـان بيغير اوي عليّا "
كـان بقولي عاوزك تبقي دكتورة باطنة عشان تعالجيني .. بس ياترى هلحقك ولا ايه !
أشتـاق لغيرته وحتى عصبيته وكونـي طفلتـه ,,
أشتاقك وأعشقـك وأذكـرك مـاحييت .. ربي يرحمك ويغفـر لنا ولك ويلحقنا بك ..
مشبعنـاش منك والله ياباابا .. وعاوزة أكـون زيك بالضببط مع اولادي
بحبك يا أغلى مـافي حيـاتي ..
الأربعاء، 15 مايو 2013
لتجديد رائحة المنزل
طرق متجربه هتخلي بيتك يفوح عطر
ﺃﻭﻻ : ﻛﻴﺲ ﺍﻟﻤﻜﻨﺴﻪ ﺍﻟﻜﻬﺮﺑﺎﺋﻴﻪ ﺑﻌﺪ ﻣﺎ ﺗﻨﻈﻔﻴﻪ ﻣﻦ ﺍﻻﺗﺮﺑﻪ ﻭﺗﻐﺴﻠﻴﻪﻭﻳﻨﺸﻒ ﺭﺷﻰ ﺟﻮﺍﻩ ﻓﺎﻧﻴﻠﻴﺎ ﻭﻛﻞ ﻣﺎ ﺗﺴﺘﻌﻤﻠﻰ ﺍﻟﻤﻜﻨﺴﻪ ﻫﺘﻼﻗﻰ ﺭﻳﺤﻪﺍﻟﻔﺎﻧﻴﻠﻴﺎ ﻣﻠﺖ ﺍﻟﺸﻘﻪ ﻛﻠﻬﺎﺛﺎﻧﻴﺎ : ﺑﻌﺪ ﻣﺎ ﺗﻨﻈﻔﻰ ﺍﻟﺸﺒﺎﺑﻴﻚ ﻛﻮﻳﺲ ﺗﺠﻴﺒﻰ ﻗﻤﺎﺷﻪ ﻧﻈﻴﻔﻪ ﻭﺣﻄﻰ ﻋﻠﻴﻬﺎﻣﻨﻌﻢ ﺍﻻﻗﻤﺸﻪ ﺑﺎﻟﺮﻳﺤﻪ ﺍﻟﻤﻔﻀﻠﻪ ﻋﻨﺪﻙ ﻭﺍﻣﺴﺤﻰ ﺍﻟﺴﻠﻚ ﻭﻫﻴﺪﺧﻠﻚ ﺍﻟﻬﻮﺍﺀﻣﻌﻄﺮﺛﺎﻟﺜﺎ : ﺍﻟﻠﻤﺒﺎﺕ ﻛﻠﻬﺎ ﺍﻣﺴﺤﻴﻬﺎ ﻭﻫﻰ ﺑﺎﺭﺩﻩ ﻭﺑﻌﺪﻳﻦ ﺣﻄﻰ ﻋﻠﻴﻬﺎ ﻗﻄﺮﺍﺕ ﻣﻦﻋﻄﺮﻙ ﺍﻟﻤﻔﻀﻞ ﻭﻟﻤﺎ ﺗﺸﻐﻠﻴﻬﺎ ﻭﺗﺴﺨﻦ ﻫﺘﺸﻤﻰ ﺭﻳﺤﻪ ﺗﺤﻔﻪ ﻛﺄﻧﻚ ﻋﺎﻣﻠﻪﺑﺨﻮﺭ ﺑﻌﻄﺮﻙ ﺍﻟﻤﻔﻀﻞﺭﺍﺑﻌﺎ : ﺍﻟﺤﻤﺎﻡ ﻭﺍﻟﻤﻄﺒﺦ ﻣﻤﻜﻦ ﻧﺴﺘﻌﻤﻞ ﻃﺮﻳﻘﻪ ﺟﺪﻳﺪﻩ ﻓﻰ ﺗﻌﻄﻴﺮﻫﻢﻣﺨﺘﻠﻔﻪ ﻋﻦ ﺭﻳﺤﻪ ﺍﻟﻤﻨﻈﻔﺎﺕ ﻭﻫﻰ ﺍﻧﻨﺎ ﻧﻨﻘﻊ ﻗﺸﺮ ﺍﻟﺒﺮﺗﻘﺎﻝ ﻭﺍﻟﻠﻴﻤﻮﻥ ﻣﻊ ﻣﻴﺎﻩﻭﺍﻋﻮﺍﺩ ﻗﺮﻧﻔﻞ ﻓﻰ ﺯﺟﺎﺟﻪ ﻭﺑﻌﺪ ﺍﻟﺘﻨﻈﻴﻒ ﺍﻟﻤﻌﺘﺎﺩ ﻧﺮﺵ ﻣﻦ ﺍﻟﻤﻴﺎﻩ ﺍﻟﻤﻌﻄﺮﻩﻭﻫﺘﺤﺴﻰ ﺍﻥ ﻓﻰ ﺟﻨﻴﻨﻪﺧﺎﻣﺴﺎ : ﺍﻟﺴﺠﺎﺩ ﻭﺍﻟﻤﻔﺮﻭﺷﺎﺕ ﻭﺍﻟﻜﺮﺍﺳﻰ ﻣﻤﻜﻦ ﻧﺠﻴﺐ ﻗﻤﺎﺷﻪ ﻓﻴﻬﺎ ﺑﻠﻞﺧﻔﻴﻒ ﻭﻋﻠﻴﻬﺎ ﻗﻄﺮﺍﺕ ﻣﻨﻌﻢ ﺍﻻﻗﻤﺸﻪ ﺍﻟﻤﻌﻄﺮ ﻭﻧﻤﺴﺢ ﺑﻴﻬﺎ ﻭﺑﻌﺪﻳﻦ ﻳﻮﺿﻊﺍﻟﺴﺠﺎﺩ ﻓﻰ ﺍﻟﺸﻤﺲﺳﺎﺩﺳﺎ : ﻣﺎﺀ ﻣﺴﺢ ﺍﻻﺭﺽ ﻛﻤﺎﻥ ﻣﻤﻜﻦ ﻧﺰﻭﺩ ﻋﻠﻴﻬﺎ ﻗﻄﺮﺍﺕ ﻣﻦ ﺍﻟﻌﻄﺮﺍﻟﻤﻔﻀﻞ ﺍﻭ ﻣﻨﻌﻢ ﺍﻻﻗﻤﺸﻪ ﺍﻭ ﻧﻤﺴﺢ ﺍﻻﺭﺽ ﺑﻤﻨﻘﻮﻉ ﻗﺸﺮ ﺍﻟﺒﺮﺗﻘﺎﻝ
الثلاثاء، 14 مايو 2013
قهوتها
والقهوه لمن أدمنها مثلي هي مفتاح النهار ,والقهوه لمن يعرفها مثلي هي ان تصنعها بيديك لا أن تأتيك على طبق لأن حامل الطبق هو حامل الكلام والقهوه الاولى يفسدها الكلام الاول لأنها عذراء الصباح الصامت.
ناس كدا
فـــي نــــاس كـــدهـ مـهـمــا إتـكـلـمـــت مـعــاهـــمـ مــا بـتـشـبـعــش ،،
و مـهـــمـا سـمـعـتـهـــمـ مــا بـتـصــدعـــش ،، [♥]
و مـهـــما كـلمـــوك و قـــرفـــوك بـحــاجـــات مــا بـتــزهـقــش ،،
و إن طلـبـــوا مـنـــك تـعـمـــل أي حــاجــه فـــوراً تــعـمـلــه مــا بـتـفـكــرش ،،
و لـــو بـعـــدوا عـنـنــا لـــو لـ لحـظـــه حـيـــاتـنــا مــا تـنـطـقــش ،،
و لـــو زعـلـتـهـــم مـنـــك إنـــت على زعـلـهـــم مــا بـتـقـــدرش ،،
أكـيـــد عـنـــدك نـــاس كـتـيـــر كـــدهـ *ــ^ ،،
دور عـلـيـهـــم و خـلـي بـــالــك مـنـهـمــ اللـــي زيـهــم مــا يـتـعــوضــش ♥ ♥
الاثنين، 13 مايو 2013
السبت، 11 مايو 2013
بكم ساعة العمل
طفل صغير بيسأل أبوه عن دخله فا دار بينهم الحوار ده:
الإبن: بابا ممكن أعرف انت بتاخد كام في الساعة؟
الأب: ده مش شغلك، ليه بتسأل الأسئلة دي؟!
الإبن: أنا بس عايز اعرف، والنبي قوللي بتاخد كام في الساعة؟
الأب: لو لازم تعرف.. باخد 100 جنيه في الساعة..
الإبن: (وهو باصص في الأرض بحزن) بابا ممكن تسلفني 50 جنيه؟
الأب: (بعصبية) إنت لو بتسأل السؤال ده عشان في الأخر تطلب مني فلوس بالطريقة دي عشان تروح تشتري لعبة ساذجة ملهاش معنى فا اتفضل ادخل اوضتك.
دخل الإبن الأوضة وقعد الأب متعصب شوية ولما بدأ يفكر ان ابنه ممكن يكون فعلا محتاج الفلوس في حاجة تانية.. راح له الأوضة.
الأب: صاحي؟
الإبن: اه يا بابا..
الأب: امسك الخمسين جنيه اهي..
الإبن بفرحة طلع فلوس من تحت المخدة و زود عليهم الخمسين جنيه..
الأب: (بعصبية) طب طلبت فلوس ليه وانت معاك؟
الإبن: الفلوس اللي معايا ماكنتش كفاية.. دلوقتي أنا معايا 100 جنيه وعايز أشتري ساعة منك تيجي بكرة بدري تلعب معايا..
أكيد هتتخيلوا موقف ومشاعر الأب ساعتها..
مغزى القصة: لكل الناس اللي بتكرس كل وقتها للشغل.. حاولوا توفروا بعض الوقت للأهل والأصدقاء والأقارب عشان الفلوس وتوفير الاحتياجات المادية مش كل حاجة.
الاشتراك في:
الرسائل (Atom)
المشاركات
