grey's anatomy ... feels good to be loved

just finished watching the season 2 finale of grey's anatomy

" he loves me ... i am loved ... this is a feeling every one must feel at least once in their life"

 one among many touchy words i heard in this series 

الامتحانات مرة تانية

المفروض ان عندي امتحانات كمان 14 يوم بالظبط 

و المرة دي الجزء التاني من الماجستير اللي اعتقد اني تأخرت فيه بما فيه الكفاية

الباطنة فعلا صعبة ... و محتاجة شغل و مذاكرة كتير 

كنت باحلم دايما بحاجة اقدر اثبت نفسي فيها مش مجرد اني اقعد ورا كرسي و اكتب شوية روشتات 

فكرة البحث العلمي لسا موجودة 

بس انا يوم بعد يوم باكبر من كام انا بدات فعلا التلاتينات

مبقتش صغير ... و رغم اني كل يوم باشوف امثلة قصادي لدكاترة كنير بداوا حيانهم  في اوروبا او امريكا او استراليا بعد ال35 

بس انا مش حاسس ان لسا فيا نفس 

خصوصا لو لا قدر الله معرفتش اعدي الدور دا في الامتحانات 

زمايلي دفعتي دلوقتي  خلصوا او بيخلصوا فرست الMD 

الدفعة الاصغر من بسنة كمان بيمتحنوا في دورهم الطبيعي دلوقتي first MD 

و انا لسا باجهز للجزء التاني ... 

مش عارف انام كويس

مش عارف اذاكر كويس 

تقريبا من غير شغل 

من غير حد في حياتي 

من غير حاجة ... 

النهاردة الاول من مايو 2016 ...

يا ترى حاكون فين في اول اغسطس - نجحت ولا لأ - 

في اول ديسمبر - في مصر و لا برا , استقلت و لا لأ - 

في اول السنة الجديدة 2017 

و كمان يا ترى الreview  الللي المفروض كنت اعمله من سنة و نص فاتت تقريبا حاكون عملت فيه ايه - 

صحيح يا ترى حاكون نشرت رسالتي و لا لسا برضوا . 

و كمان موضوع الsub-specialty حاقدم في عين شمس و لا أسيوط و لا الزقازيق  . 

حاجات كتير في الجدول ... حاجات بتتاخر و حاجات بتتاجل ... 

الله اعلم حنكون فين بعد سنة 

مبادرة " صلح "

إن شاء الله و إن كان لينا عمر خلال الفترة الجاية دي حيكون في مجموعة مقالات لكيفية اصلاح الوضع كاملا في حبيبتنا 

جمهوريات الموز

 , " دليلك لإزاي تدورها ... حتى لو مبتعرفش " ...

حاحاول هنا اشرح خطوط عريضة احيانا ... و احيانا تانية تفاصيل ...

أهي كلها محاولات ... و حاسميها " صلح " 

علشان لو محاولناش حناخد على قفانا و يتقالنا " صلح " 

:'D

fitting problem ... من 85 الى 80

من فترة و بحاول اخسس وزني شوية
هما مش شوية بس الحقيقة
كانوا حوالي 26 كيلو كنت في مرحلة ما وصلت 102 او 103 كيلو
النهاردة الصبح وقفت على الميزان و اداني رقم جمييل جدا
85.1 كيلو
كلهم خمسة او ستة كيلو و ارجع تاني لمنطقة الوزن الجميل
sweet comfy zone
زي ما بيقولوا ... من الوزن دا ممكن اغير حاجات كتير
افتكر ان سبب اساسيي من اسباب زيادة وزني اني كنت مع مجموعة مبتعملش حاجة كل ما تتقابل الا انها تاكل
و كمان لازم كلنا نطلب نفس الكميات ... محدش ينفع يطلب اقل من التاني
كانت فترة مش لذيذة خالص و كانوا سبب في حاجات كير منها مشكلة الوزن
المهم
اتمنى اكتب فييوم هنا ناي وصلت  75 كيلو مرة تانية
و بعدها الجيم يحاول يظبط شوية من الوزن اللي باظ دا

رسالتي الى الله

اذكر اني اول مرة دعوت الله فيها في صلاة عن وعي كامل بما اطلب كانت في المرحلة الثانوية 

و بالتحديد في الصف الثالث الثانوي , كنت مشاغبا الى حد ما و لكني لم اكن ابدا متسلطا او قليل الادب 

لم تكن الدراسة بحد ذاها تهمني بقدر ما كان يهمني ما استوعبهمنها او افهمه 

كنت استمتع جدا جدا بدروس المواد الاجتماعية في المرحلة الابتدائية 

التاريخ و الجغرافيا و العلوم في المرحلة الاعدادية , و اشكر الله اني تربيت في التعليم الاماراتي 

و افي ثلاث من افضل مدارس العاصمة ابوظبي وقتها 

و لكن كانت التربية الاسلامية دوما مادة احقق فيها درجات جيدة جدا الا انني كثيرا ما كنت اناقش المدرسين و لربما نعتني احدهم ذات مرة بالمتمرد ... و  لن انسى مدرسي الاستاذ عبدالخالق الذي اقسم اغلظ الايمان ان التربية الاسلامية ستكون سبب سقوطي في الثانوية العامة لافكاري و تناحري الدائم معه , كان والدي احيانا يوصلني الى المدرسة اذا فاتني الباص صباحا و كثيرا ما لفت نظرا حبه لحديث الشيخ الشعرواي وقتها ... كنت استمع اليه و لكن كانت لي استفسارات كثيرة وقتها لم اجد من يجيب عليها 

المهم ... كنت اصلي و كان والدي يتابعنا بالتعليم و التذكير و احيانا  " بالزعيق "  عندما نقصر في الصلاة , كنت احب قعلا حفظ القران لكنه كان صعبا , كان يدفعني الى التفكير في اشياء كنت اعرف اني لن اجد اجاباتها في من حولي ... فبطئت وتيرة حفظي بشكل تدريجي , كما قلت دعوت الله على ما اتذكر باول دعوة  بوعي في الثانوية , كنت اطلب منه في كل ركعة ان يوفقني و ان يجعلني سبب سعادة لابي و امي , " سبحان ربي الاعلى , سبجان ربي الاعلى , سبحان ربي الاعلى , يا رب  وفقني و يسرلي الخير يا رب " , كان تقريبا هذا دعاء السجود في كل ركعة من فرض او سنة او نفل وقتها , و قبل التسليم " اللهم اغقر لنا و لوالدينا و لمن له حق علينا , اللهم قنا عذاب النار و قنا فتنة المسيخ الدجال , اللهم انا نسالك العفو و العافية في الدين و الدنيا و الاخرة " و يتبعها السلام و توالت السنين بعدها و كنت كلما احتجت اضفت الى دعائي طلبا جديدا , حتى انني اليوم راوجني شعور غريب ... احسست بان صلواتي السايقة كانت بمثابة حصان ارسله الى الله - عز و جل - و كنت اتعمد تحيله بكل ما استطعت من دعوات و رغبات , احسست لدقائق انني لم اكن اصلي لاصلي و انما كنت اصلي لاستكمل " حمل الدعوات اليومي " يا رب يسرلي كذا , يا رب عاوز كذا , و اكثر من هذا لربما لم تقتصر دعواتي على شخصي فقط كانت احيانا يتخللها دعوة لحبيب او قريب اهمني حاله او كنت اتوقع ان دعوتي له بدون معرفته كرم من الله اثاب و يثاب هوا ايضا معي عليه . 

و لكن اليوم احسست ان علاقتي بالله لم تكن محبة كما كنت استشعر حينها , كان مصلحة , لم تكن رغبتي في الصلاة للقرب من الله بقدر ما كانت للطلب منه , لاستعطافه و رجائه , هو العاطي و هو الرزاق , و لكن حاشاه الا نحبه حبا خالصا له وحده , ماحاجته لحبنا , و كم احوجنا للاخلاص في حبه , صليت اليوم , صليت كما لم اصل منذ زمن , كبرت و قرات الفاتحة و قصيرة من السور , و ركعت و سجدت و لم ازد عن الصلاة و اركانها ... لم ادعو لا في ركوع و لا سجود , و و الله لم يكن تكبرا , ولكني تمنيت على الله ان اخلص هذه الركعات لوجهه فقط ... كنت و قبل الصلاة يلح علي طلب من الله و لكني استحيت منه ... استحيت اني مقصر في حق الله عندي و اقف بين يديه لاطلب منه , اردت لرسالتي الى الله ان تصعد اليه لا يثقلها من متاع الدنيا شئ , اردتها نقية صافية له وحده , اردت لو رزقت نقاء القلب الا اخاف من قدره مهما كان , الا اجزع , ان اطلب منه في غير صلاتي , ان اركع له , لاني اركع له فقط انا عبدك الضعيف الذليل الكسير اليك ... الخاطئ العاصي .

لن اكذب ... بقدر ما كانت صلاتي خفيفة على قلبي , بقدر ما كنت خائفا ان ترد كالتي قبلها .

بيني و بين قرب الله طريق طويل ... و لكنها قال من " اتاني ... اتيته "  

ملكة ...

لما حد يوحشك أوي 

لما تفتكر ان قبل كدا عينيك مدمعتش 

لما تحس بدمعتك فجاة بتجري من عينيك 

لانك افتكرت 

لما كل كلمة بحبك تفكرك 

لما أغنية ... لما صورة 

حتى النفس ... 

لما تبقى نفسك تقول " ب ح ب ك " 

احلام

أحلام ... رغم عدم اعجابي بشخصيتها الا ان لها صوت رائع

 

لو تهب الدنيا ريح .. وينتهي كل الزمان

ويصبح العالم جريح .. أنا بأيديك ابأمان

قلبك البيت الكبير .. اللي ظللني بوروده

منقولة

أي علاقة ارتباط/ خطوبة/ جواز، لو الراجل والبنت قدروا يكونوا أصدقاء، قبل ما يكونوا مجرد اتنين بيحبوا بعض وبينهم ارتباط وبس، بيقدروا يتجاوزوا مشاكل كتير أوي ممكن تحصل ما بينهم..

بيبقى ما بينهم درجة من التفاهم، والجدعنة، مش ممكن تبقى موجودة غير بوجود الصداقة دي ما بينهم..

في لحظتها، بتتحول علاقتهم لنوع جميل من العلاقات البشرية، مش مجرد حب.. الصداقة اللي ما بينهم بتطغى على أي غلطة ممكن حد فيهم يعملها في حق التاني.

ولذلك؛ أنجح العلاقات العاطفية هي اللي بتكون بين اتنين كانوا في بداية تعارفهم أصدقاء؛ لأنهم بيتخلصوا من حالة الزيف والأقنعة اللي بيلبسها البعض على وشوشهم في بداية فترة التعارف، وبداية أي علاقة.

خليكم صحاب جدعان مع بعض، مش مجرد اتنين بيحبوا بعض وبس.

محمد زيدان

سلامُ الله

على البنت اللي دخلِت قلبي على غفلَة بِلا استئذان و قَفلِت من وراها الباب و كَهرَبِت الطريق للروح

سلامُ الله

على البنت اللي لَو مَنعِت بقى مَمنوع

و لَو سَمحِت بقى مسموح

سلامُ الله

على اللي مشفَّرَة صوتي

فَ ابوح لو بطّلِت تهمِس

و لَو هَمسِت .. بصوتها بابوح

- 2 -

#عارف

عارف انت الدمعة اللي بتعاند دي و مبترضاش تنزل 

بتوجع قوي