ملعون

ملعون أبو المسافات و البعد و الإشتياق .. ملعون أبو القرب البعيد .. ملعون أبو الظروف اللى تحط اتنين بيحبوا بعض فى موقف إنهم لازم يكونوا بُعاد بس كل واحد فى قلب التانى .. ملعون أبو الظروف اللى تفرض عليهم ميشوفوش بعض .. ملعون أبو إحتياج بيذل .. ملعون أبو إشتياق بيوجع"

رنا

عن منة كردي ... و اخواتها ...

و حينها 

في لحظةٍ ما ستُدرك جيداً ..

أن بعض الخيباتِ لا تقبل القسمةِ إلا عليك ، وأن الأوجاع لا تأتي فُرادى - أبداً - وأن الوقت الذي يمضي لا يُستعاد ، ولا كل الأشياء يمكن إصلاحها ..

ستُدرك أن الحرف باستطاعتهِ أن يُشعل الحريق - لا أن يُطفأه - وأن الضعف لن يقودك إلا إلى مزيدٍ من الهوانٍ ..

وأنه يجب أن تظل قوياً - مهما حدث 

مهما حدث ..

ويجب أن تمضي قُدماً ... مهما حدث .

لـ Marwa Eletriby

the Fault in our stars

قدرتنا على التحمل ربما تكون محدودة برغبتنا 

ان الرغبة في هذا العالم هي اقوى الاسلحة و اكثرها فتكا 

الرغية تنتقل كالعدوى الفيروسية 

تنتشر بسرعة اذا ارتدت الحلة المناسبة 

دوما ما تؤلمنا ... و لكنها في النهاية 

مازالت لها ذلك المذاق ... الذ يشعرنا بالرضا 

ميرال المصري

وقد تصادف يوما شخص لا يرضى أبدا.. لديه عين ناقدة لنواقص وعيوب كل شئ وكل شخص.. منطقي لكنه أناني غير قادر على التنازل.. ذكي لكن مثاليته هي سجانه.. يريد البعض من كل شئ ولو امتلك كل شئ لن يرضى وتنتهي حياته وهو في حالة تذوق ولا يصل أبدا للشبع.. وإن شبع إكتئب.. حالته دائما في تغير.. واثق من نفسه ولكنه يحيا على كلمات اﻹطراء.. يكره الوحدة ولكنه لا يمكنه العيش دونها.. داخله عوالم ولكنه في كل العوالم غريب.. 

هذا شخص لا يخضع لذات القوانين الطبيعية.. قد تحبه فيكرهك.. وقد تعطيه الكثير فيرفض كبرياؤه أن يحتاج إليك.. قد تبتعد عنه فيقترب منك حتى يعطيك اﻷمل ويذهب بعيدا خائفا من قرب كان ينشده.. 

هذا الشخص لم يخلق ليعيش مثل حياة البشر التقليدية.. فهذا الاختلاف لم يعطى له إلا لسبب.. 

هذا الشخص غالبا ما يكون مبدعا ناجحا قادرا على خلق ما لم يخلقه غيره.. وعلى قدر عبقريته على قدر خطورة الاقتراب منه.. 

هؤلاء اﻷشخاص مثل النجوم.. نعجب بها من أماكننا فإن إقتربنا إحترقنا..

‫#‏من_الرواية‬

‫#‏عن_المثالي_واﻷحمق‬

‫#‏ميرال‬

christina Perri A thousand years !!! For what

مش عارف اوصف انا حاسس بايه 

انا كنت باسمع الاغنية دي من كام يوم 

و نزلتها 

جت هيا على بالي النهاردة قلت افتح بروفايل السوند كلود بتاعها 

لقيت الاغنية دي عندها 

مش عارف و مش فاكر اذا كنت سمعتها عندها و لا انا سامعها قبل كدا 

مش مهم 

انا سمعتها و باسمعها على الاكونت بتاعها دلوقتي 

بس انا باكرهها 

مش طايق 

و مش عارف باعمل في نفسي كدا ليه ؟؟؟

انا تعبت بجد

الاغنية دي بجد ممتعة

مجرد زهق

الاكتئاب على الابواب 

قدرتي بتتضائل مع مرور الوقت على المقاومة 

حلمت بيها من كام يوم 

كان غصب عني 

و من يومها الخنقة زادت 

كل يوم الخنقة تزيد 

مش عارف ليه 

العيشة هنا بقت خناق في كل حاجة 

حتى الحاجات اللي احنا بنستحمل علشانها 

مبقتش موجودة و يمكن كمان انقلبت بقت 

هيا كمان مصدر خنقة لينا 

عاوز امشي 

عاوز اهاجر 

عاوز اموت 

عاوز اعيش 

انا مش عارف عاوز ايه

تسنيم عبدالله :'(

" شعرت حينئذ بالرغبة في أن أدخلكِ داخل قميصي ، أخبئكِ تحته ،

أن أحتضنكِ حتى تلامسين عظامي ، وتمتزجين مع أوردتي ، شعرت

أنني أريدك كثيراً ، لا رغبة بكِ ، بل حاجة إليكِ . "

كل ما الضعف بيزيد كل ما مُعدل الاحتياج بيزيد .. و ده بيحولك لانسان مُدمن نوعاً ما مابتبقاش على بعضك لو احتجت الشخص ده و مالقتهوش ..

التعلُّق المرضي .. مُجرد التفكير في فُقدان الشخص ده ممكن يخليك تعيط .. 

الضَعف اللي بيخلقه الاحتياج .. اللهفة الشديدة اوي .. الخوف من الدُنيا كلها عشانه و عليه .. 

في الحقيقة دي مش حاجة سيئة خالص .. أقوى واحد ي الدُنيا بيحتاج بالشكل ده الشاطر بس هو اللي اول ما يدرك ده يسيطر عليه ..

هو في ناس بتموت من كُتر الاحتياج ؟ .. 

لأ في ناس بتموت حاجات جواها من الاحتياج .. في ناس بتموت و هي محتاجة ..

احساس انك مسنود .. الاحتواء .. الأمان .. الدفا .. 

الشخص اللي بيوصلك للصبر على كل الأذى و على كُل التعب ..

اعتقد انه شخص واحد ماينفعش يبقوا اكتر من حد .. هو حد واحد بس .

يمكن انا مابحبش فكرة الاحتياج للأشخاص إلا ان احتياجك ليهم ضعف جواك قوّة قدام غيرهم ..

لُطفاً .. 

الغوا المسافات المعنوية .. مفيش كرامة في الاحتياج .. مفيش خوف من الخذلان .. اتطمنوا اوي للشخص اللي احتاجتوا له .. شاركوه أدق تفاصيل الوجع .. و مُجمل الفرحة .. ادّوا لنفسكوا فرصة تحس بأمان مع شخص .. 

اطلبوا حنية و ادفعوا حنية .. طمنوهم و اتطمنوا .. دلعوهم و اتدلعوا عليهم .. حبوا و اتحبوا لحد آخر نفس .. و وصوهم لو يوم فارقنا ماتنسوناش .

" يا ناس يا عُبط يا عَشمانين .. فِي فُرصه تانيه للُقا .. بطلوا اوهام بقى .. وكفايه احلام واسمعوا .. عيشُوا بِذمه و ودّعوا .. كُل حاجه بتعمِلوها ..وكُل حَد بتشوفوه .. وكُل كِلمَه بتقولوها .. وكُل لحْن بتسمَعوه .. عِيشوا المشَاهِد .. كُل مَشهَد .. زى ما يكون الاخِير.. واشبَعوا سَاعه الوداع .. واحُضنوا الحاجه بضمير .. دا اللى فاضل مش كتير .. "

متتجوزوش سارة درويش

ما تتجوزوش..

لو بتتكسفوا تقولوا قدام بعض كلام عبيط

لو ما عندكوش حلم مشترك

لو مش بتلاقوا نفسكوا في حواديت بعض

لو بتتكسفوا تعيطوا قدام بعض

لو إيدِك مش بترتاح بالمللي جوا كفه

لو ماعندكوش فضول تعرفوا عن بعض أكتر

لو ما فيش بينكم كلمة سر انتوا بس اللي عارفين معناها

لو ما بتفهموش نكت بعض وبتضطروا تضحكوا مجاملة

لو مش مستعدين تخسروا كل حاجة مقابل انكوا تبقوا سوا

لو بتزهقوا من الرغي سوا

لو مش مؤمنين بأحلام بعض أو على الأقل محترمينها

لو متقبلين بعض على أمل إنكوا تغيروا بعض بعد الجواز

لو مش ماليين عين بعض

لو مش بتحسوا بالسكن في وجود بعض

لو مش هو/ هي اللي بيخطر في بالك أول ما تحصلك مشكلة

لو مش متأكدين من موقفكم بالنسبة لكل اللي فوق دا.. أرجوكوا ما تتجوزوش

‫#‏المشرحة_مش_ناقصة_قتلى‬

‫#‏سارة_درويش‬

عمرو احمد حسن :D

الحكاية باختصار 

بنت أطيب م النهار 

ايد تغمي عنيك بخفة 

وانت بتدوق الفطار

أم تعرف تبقى طفلة

طفلة تعرف تبقى دار 

الحكاية عن عنيها 

سيما صيفي وليل سكات

الحكاية عن خدودها 

ورد نبِّت غمازات 

بنت مكتوب ف بطاقتها

انها كوكب بنات 

ــــــــــــــــــــــــــــــــ

والصراحة قلبي دايب 

يوم بشِّد وعشرة سايب 

انتي حضن لشخص غايب 

انتي دستة بالونات 

ـــــــــــــــــــــــــــــــ

أما بخصوص الخناق 

واننا ف عدم اتفاق 

وان بيننا حرب أطول 

م اللي دايرة ف العراق 

ده جمال الحب فعلاً

لعنة الحب بغباء 

وابتلاء الغيرة واجب 

دايماً الغيرة ابتلاء 

وانتي ممكن اغير عليكي 

من دفا وشم ف ايديكي 

من عنيكي لو تغمض 

ثم فجأة تشوف عنيكي 

من حاجاتك ، بارفاناتك 

من هدوم علي شماعاتك 

من كلامك من سكاتك 

من صحاب ماليين حياتك 

فـ الطبيعي نكون تمللي في اختلاف 

والطبيعي ف كل شهر يومين عجاف 

والطبيعي لانك انتي الكون بحاله 

اني اشوفك عكس كل الكون ماشاف 

______________

ف الختام 

فيه كلام محتاج اقوله بس مش لاقي الكلام 

فيه حاجات محتاج اقولها وانتي عارفة 

اني خيبة 

واني بتلخبط ف اسمي

واني باعرق لما افكر 

وانتي عارفة ان انتي سكر

واني من غيرك وحيد 

واني صايم طول حياتي 

فجأة شوفتك جايّة عيد 

واني مش عارف اعبّر 

أو ابيّن شيء جديد 

أو أقولك يعني مثلاً

انتي نجمة فوق بعيد 

فاعذريني 

واحضنيني حضن كافي

حطي ايدك فوق كتافي 

وارقصي حتي ف خيالك 

تنزل المطرة اللي ساكنة ف غيم جمالك 

واعذريني لو ف نفسك كلمة عمري ماقولتهالك 

واعرفي اني بحبك

واني جنبك للنهاية

هي دي كل الحكاية .

الجميلة مرة أخرى : سارة عاشور

# كيف تنجو بقلبك

القاعدة الأولى: لا تقترب كثيرًا

القاعدة الثانية: لا تُبدِ اهتمام أكثر من المتوقع

القاعدة الثالثة: لا تضع أحدهم على قمة أولوياتك فيما أنت لا تحتل قمة أولوياته

القاعدة الرابعة: لا تبوح

القاعدة الخامسة: لا تتلهف

القاعدة السادسة: احتفظ بقلبك لأطول وقت ممكن

القاعدة السابعة: ستقع لا محالة

القاعدة الثامنة: حاول النجاة بما تبقى لك

القاعدة التاسعة: أنت تحب

القاعدة العاشرة: لا نجاة لك

‫#‏ساره_عاشور‬