بصّوا قبل ما انام - فيه كلام محشور فـ حَلقي ..
آولاً :- ماينفعش .. تروح تقول لـ حد -
" من فضلك فرَّحني ! "
" ابوس ايدَك ماتوجعنيش ! "
" والنبي لـ تسأل عليَّا .. "
" إيه رأيك تهتم بيَّا ؟ "
" مُمكن تشتاق لي ؟ "
" عشان خاطري .. ماتعلّقنيش بيك ! "
" وحياة اغلي حاجة عندَك - ماتفرطش فيَّا "
..
و إلخ ..
هو مش بس - ماينفعش - قولة الكَلام ده .. ده من المُستحيلات ، والمُحرمات حضرتك !
وثانياً :-
انت نفسك ..
ماينفعش ، و عيب ، حرام ، وإزاي .. تقول كده !
بعيداً عن إن فيه حاجات آساسية ، قواعد .. وآولويات مابتتطلبش ..
لكن .. اللي قُدامك ده ..
بـ يبقي فاهمك .. وعارف دماغك .. وجايز يكون عارفك آكتر من نفسك !
يعني اللي بـ تقوله " مُمكن تشتاق لي ؟ "
ده بـ يبقي فاهم ..
- انا اعرف * حُمار * بـ يفهم والله -
ومش لازم تقولّه !
كل واحد عارف هوّ بـ يعمل إيه كويس ..
ثالثاً :-
احب اوصل لـ سيادتك حاجة مُهمة جداً
إن اللي بـ يجرحك عارف نفسه ..
وكذلك اللي بـ يسيبك .. واللي بـ يتجاهلك .. واللي بـ يفضحك .. واللي بـ يعلّقك بيه .. واللي بـ يعشمك
واللي بـ يغرّقك
واللي بــ يحرق دمك .. واللي بـ يحيرك . واللي بـ يستغلك ..
واللي بيتهرب منك ..
واللي بـ يجاملك ..
واللي بـ يبيعك .. واللي بـ يخذلك ..
واللي بـ يعارضك ..
واللي بـ يكسفك ..
واللي بـ يطلع قدامك عيّل .
واللي مـ الآساس قاصد يوجعك . ومخطط لـ كُل ده !
فـ عيب إنك زي العبيط - .. تروح تقول لِلي واجعك وبـ يوجعك - إوجعني كمان -
عن طريق إنّك تساعدُه .. بـ قُولة - نقط ضعفك - !
آو الحاجات اللي بـ ترعبك .. واللي آوقات - مابـ تقدرش بـ سببها تنام ، آو تضحك ، آو تنزل اللقمة معدتَك
آو تعيش !
رابعاً :-
مسدج كده سريعة للي بـ يجيلهم قلب يستقووا ويدوسوا آوي ..
واللي فاكرين إن كل السُوء ده بـ يعدي مرور الكِرام .. والحياة حلوة !
عن تجربة !
( ربكم مابيسيبش )
هو إنتوا مابتحرّموش ؟
المانيفستو قالـ :- " كُل الداين كان متداين .. والدَين .. بـ يلف بدُون ترتيب " ..
واظن البوست لو وجع * آي * حد .. يبقي وصلت له .. الرسالة كويس !
وياريت يراجع نفسه .. ويراجع ضميرُه ومشاعرُه فـ كل خطوة بـ يخطيها ..
وفـ كل فعل بـ يعمله ..
وفـ كُل وعد بـ يقطعه ..
وفـ كل رد فعل بـ يصدر منه ..
وفـ كُل كلمة بـ يقولها .. وفـ كل إحساس بـ يبوح بيه ..
وفـ كُل اعتراف بـ يعترفه ..
وفـ كُل سر .. بـ يشوف النور ..
المشاركات
ليست هناك تعليقات:
إرسال تعليق